Košarka

Počela NBA liga: Boston savladao Philadelphiju, Curry i društvo dobili Lakerse

Počela je nova sezona u NBA ligi, a prve večeri odigrane su dvije utakmice u kojima su slavili domaćini.

FOTO: EPA/JOHN G. MABANGLO
FOTO: EPA/JOHN G. MABANGLO

Sezonu su u TD Gardenu otvorili Boston i Philadelphia, a domaći su slavili pobjedu 126:117 zahvaljujući dvojcu Jaylen Browen Jayson Tatum koji je ubacio po 35 poena, ovaj drugi je dodao i 12 skokova. Neuhvatljivi su bili za odbranu 76ersa, a kada se tome doda i raspoloženi trojac Brogdon-Williams-Smart, poraz gostiju je bio neizbježan.

James Harden je odradio dobar posao sa 35 poena, osam skokova i sedam asistencija i pristojan šut 9/14 iz igre 5/9 za tri poena, dok je Joel Embiid upisao prvi double-double sa 26 poena i 15 skokova.

Golden State Warriorsi su slavili pobjjedu 123:109 nad Los Angeles Lakersima. Do pobjede je Ratnike vodio ko drugi no Steph Curry koji nije bio na svom prepoznatljivom nivou, ubacio je 4 trojke iz 13 pokušaja, ali se zaustavio na 33 ubačena poena. Andrew Wiggins je stao na 20, ka Klay Thopmson na 18.

Kod Lakersa, LeBron James je upisao double-double od 31 poena i 14 skokova, Anthony Davis je dodao 27 poena, a double-double je upisao i Russel Westbrook sa 19 poena i 11 skokova.

Prihvati notifikacije